أفكار وأصدقاء

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
أفكار وأصدقاء

منتدى أفكار الأصدقاء هو منتدى عام من أجل التعبير الحر عن الآراء الخاصة بكل فرد وبكل حرية وانسيابية .


2 مشترك

    ليلى والذئب

    energy-matrix
    avatar
    energy-matrix
    صديق جديد
    صديق جديد


    عدد المساهمات : 18
    تاريخ التسجيل : 03/02/2011
    • مساهمة رقم 1

    ليلى والذئب Empty ليلى والذئب

    مُساهمة من طرف energy-matrix الإثنين فبراير 07, 2011 3:54 am

    ليلى والذئب بالحلبي
    كان يا ما كان ..... بس حلبية!


    كانت ليلى ماشية بالغابة بنص الليل ورايحة
    لعند نانتا مثل كل الحكايات!


    والذئب (المسكين) وقفها لليلى وسألها لوين
    رايحة يا ليلى؟


    وردت علي ليلى: وأنت اشّ دخلك ولاك بهيم..اش
    عبتساوي هون بنصاص الليالي؟


    وليش عبتسألني لوين رايحة؟؟ ولي عليك شو
    حيوان..انشالله بتعفسك سيارة بلا نمرة


    وبلا شوفير يارزيل يا مبهدل يا قليل الحيا،
    ما عندك خوات كني..صعي قليل حس ووقح تفو عليك!!!


    ومسكت ليلى الذئب من ادنو وشلفتو 7 أمتار
    وتابعت المسير لعند نانتا


    هون..الذئب لقاها كبيرة كتير بحقو وقال
    لحالو:هلق بنت فصعونة ما بتطلع بطول أجري !!!تشرشحني هيك بفصط الغابة قدام
    الحيوانات الرايحة والجاي وأنا الديب ضروب وطراح ..طيب ياليلى..اذا ما بفش
    حنكك..ديه..


    المهم يا سادة ياكرام..راح الذئب أخد تكسي
    وطيران على بيت نانتا لليلى مشان يصل قبلا، دق الجرس..قامت سألت العجوز :مينو هاد
    عبيدق علي الباب؟


    جاوب الديب:أنا ليلى ..افتحيلي نانا


    وأول ما فتحتلو الباب طلع فيها بنظرة شريرة
    من طرف عينو وقلا:


    يبلاكي بقتلك شقدك جدبة مين ما قلك أنا ليلى
    بتفتحيلو..


    لكن شلون بيقلولو عليكي ذكيو وحربوقة؟؟؟


    ..وركد وراها الديب من غرفة لغرفة وهي
    عبتصييح وتولول


    وكل ما تجي بدها تفتح تمها لتحكي ،يجرقها
    الذئب بالكف على بوزا..


    وبالأخير حصرا بزاوية القوضة وقلها حاج تبعقي
    ختيارة الجن...وأكلا


    وفي نفس اللحظة أنفتح باب الأصنصور وظهرت
    ليلى وقد سمعت ولاويل وعياط صادران من البيت..


    وباب صقاق مفتوح فنطت نط لجوا البيت وشافت
    الذئب..بعدما أكل الجدة المسكينة


    فخاطبها الذئب مستهزئاً: ديه ورجيني إ ش دا
    تعملي هلق..هههههههه..


    وردت عليه ليلى وقد تطاير الشرر من
    عينيها:إيه أنا اللي بورجيك ياصقاقي يا لقلوق ،


    واستلت ليلى من تحت البلوزة على خصرها
    جنتيانة بطول 20سم وشرحت الذئب بها..وقطعت أوصاله حتى خرجت نانتها من بطن
    الذئب..!!!


    وهنا كانت المفاجأة حين صرخت ليلى:
    نانااااا..لعمى مانك نانتي


    مينو انت واشّ عبتساوي هون؟؟؟؟؟


    وأجابت العجوز بدهشة: عرفتك.مو انتي ليلى بنت
    بنت جارتي أم عبدو اللي بالطابع الرابع؟؟


    فأجابت ليلى متسائلة : ليش نحن بإينا طابق ؟


    وردت العجوز:هاد الطابق التالت...بس الأصنصور
    متشربك وبدال ما يطلع عالطابق الرابع عبيوقف بالطابق التالت...


    فأجابت ليلى معتذرة : ديه عدم المؤاخذة
    حجة..بس ماأكون أزعجتك،


    مزبوط أنا ليلى وجيت عند نانتي ..بس معناتا
    كل الحق على الأصنصور..كرمال النبي ماتواخذيني حجة..وهلق بنضفلك البيت وبخليه متل
    الليرة


    وقامت ليلى بتنضيف البيت من جثة ودماء الذئب
    ووضعتها في كيس الزبالة وشلفتو من عالبلكون (حفاظاً على التقاليد)


    ..وثم أخذت ليلى سلتها ودخلت في المصعد
    متوجهة إلى بيت نانتا


    وتوة..توتة


    خلصت الحتوتة


    • الرجوع الى أعلى الصفحة
    Engy
    avatar
    Engy
    صديق جديد
    صديق جديد


    عدد المساهمات : 31
    تاريخ التسجيل : 23/01/2011
    • مساهمة رقم 2

    ليلى والذئب Empty رد: ليلى والذئب

    مُساهمة من طرف Engy الخميس فبراير 10, 2011 2:45 am

    شي حلو والله
    والله هالليلى أخت رجال
    وما بينخاف عليها
    والله يعين هالذئب على هيك وقعة

    حلوووووووووووووووووووووة مووووووووووت
    lol!
    • الرجوع الى أعلى الصفحة

      الوقت/التاريخ الآن هو الجمعة نوفمبر 22, 2024 1:00 am